Organizator të këtij manifestimi kulturor, ishin Pallati i Kulturës në Strugë dhe Qendra për bashkëpunim kulturor nga Shkupi (?!), që mbeti e padefinuar saktësisht, pasi që organizatorët e vërtetë nuk u prononcuan, njofton korrespodenti i agjencisë së lajmeve INA.
Në këtë manifestim kulturor folklorik, nuk kishte asnjë ansambël apo shoqëri kulturore shqiptare. Në pyetjen se pse nuk janë ftuar ansamblet shqiptare, qoftë nga Struga, Maqedonia, Shqipëria apo Kosova, “organizatorët” u përgjigjën se ky koncert është në nivelin e bashkëpunimit të ndërsjellë të ansambleve pjesëmarrëse në këtë manifestim, që kanë vendosur një nga koncertet e radhës ta mbajnë në Strugë.
Struga me shumicë shqiptare, nuk është përfaqësuar me asnjë ansambël pjesëmarrës, posikur edhe gjithë kultura shqiptare në Maqedoni, edhe pse ky manifestim mbahet nën patronatin e Ministrisë së kulturës së RM-së. /INA/