Këngëtarja zbulim i spektaklit “X Factor Albania” dhe reperi i cili po bën karrierë edhe në Norvegji, së fundi janë prezantuar në festivalin e famshëm në Shqipëri.
Në javën e parë të “Top Fest” ata kanë mahnitur publikun me një performancë shumë energjike dhe mbizotëruese në skenë. Kënga ka pasur simpatinë e fansave, e cila shumë shpejt po bëhet një sensacion në rrjetet sociale.
Në fakt vlerësimet për këngën “Ndjehem Mirë” dhe për interpretimin e bukur nga Festina dhe Kastrioti janë të shumta dhe flitet si kënga më e mirë hip hop në Top Fest 10.
“Performimi ynë në Top Fest 10 ishte mjaftë emocionues. Ndjehemi mjaftë mirë pas interpretimit tonë dhe shpresoj që të gjithë e kanë pëlqyer këngën ‘Ndjehem mirë’”, janë shprehur ata për “Zëri”. /Telegrafi/