Takimi përfundoi me rezultat 1-1, shkruan Koha.net. Mysafirët filluan më mirë takimin, duke kaluar të parët në epërsi në minutën e 45-të përmes Blerand Kurtishaj.
Ferronikeli arriti që t’i barazojë shifrat përmes Përparim Livorekës, i cili shënoi në minutën e 70-të.
Në minutën e 83-të, Mentor Zhdrella u ndëshkua me kartonin e dytë të verdhë, për t’i shkaktuar mjaft telashe ekipit të tij që arriti të mbahet deri në fund të takimit.
Me këtë barazim, Ferronikeli mbetet lider me 22 pikë, e ndjekur pikërisht nga Trepça ’89, që ka 20 pikë, pas 11 ndeshjeve të luajtura.