Modeli i rrallë i Ferrarit, që është në mesin e vetëm 39 makinave të tilla të prodhuara ndonjëherë, pritet të shitet në ankand për një shumë marramendëse.
Nëse blihet me 56 milionë dollarë, aq sa parashikohet, kjo do të jetë vetura më e shtrenjtë e shitur ndonjëherë, transmeton Telegrafi.
Duke marrë parasysh se një Ferrari i njëjtë është shitur kohë më parë për 52 milionë dollarë, besohet se do të arrihet oferta e tillë enorme.
Në fakt, modeli 250 GTO është shumë i ruajtur. Pronari e ka restauruar dy herë këtë automobil të prodhuar në vitin 1962, ndërsa e ka mbajtur më shumë në garazh. /Telegrafi/
