Reperi nga Gjilani, Feronit Shabani-Fero, prej disa muajsh ka bërë një tërheqje nga muzika.
Dhe për këtë ai u ka kërkuar falje fansave me anë të një postimi të ndarë nga pushimet në Mal të Zi.
Derisa kërkon ndjesë për mungesën, ai ka njoftuar se së shpejti po rikthehet me këngë të re.
“Kërkoj ndjesë që nuk kam mundur të jem aktiv me muzikë që shumë muaj, po në këtë muaj kam vendosur të lansoj diçka diçka, a jeni gati?”, ka shkruar Fero krahas videos.
Reagimet në pjesën për komente kanë qenë të shumta, fansat e së cilit mezi po presin për këtë rikthim.
Projektet e fundit që solli kanë qenë bashkëpunime; njërin me Morena Tarakun e tjetrin me këngëtaren Genta Ismajli.
“Money” dhe “Level Up” titullohen këngët që kanë marrë miliona klikime në YouTube. /Telegrafi/
