Reperi i njohur nga Gjilani, Fero, tash e disa ditë ka qenë cak i një sulmi kibernetik.
Kjo ngase i është hakuar llogaria e tij zyrtare në Instagram dhe mbrëmë i është rikthyer sërish, ndonëse e njëjta gjë ka ndodhur edhe me reperin nga Tetova, S4MM.
Feronit Shabani (emri i vërtetë i Feros) gjatë ditës së sotme ka publikuar një video nga makina, në të cilën shfaqet me masa mbrojtëse.
Videoja mori vëmendje të madhe ndërsa komentet e shumta nuk munguan nga ndjekësit e tij në këtë rrjet të popullarizuar social.
Fero ndërkohë është izoluar në Gjermani – atje ku tash e disa muaj ka filluar jetën dhe aktivitetet e tij muzikore.
Ai momentalisht është duke e shijuar suksesin e albumit të ri të titulluar “Self Loyalty”.
“1 e keni” ndryshe mbetet projekti i fundit i lansuar me klip nga reperi, i cili ka arritur të grumbullojë mbi një milion klikime. /Telegrafi/
