Hip hop ylli i ri, Fero, është njëri nga artistët më të komentuar në mediat rozë. Kjo ngase kohëve të fundit ka rrëmbyer vëmendje si me projektet që ka sjellë e po ashtu edhe me jetën private.
Së fundmi, ai ka bërë një deklaratë për reperët gjatë një videoje ‘live’ në llogarinë e tij në Instagram.
Në videon e publikuar nga faqja “Hip Hop Shqip”, Feroniti thotë se nuk do të bëjë më reperë të famshëm pa para, madje tregon edhe shifrën se sa mund të paguajë dikush për ta bërë ai të famshëm.
“Kam bërë shumë repera të famshëm, nuk ka famë pa para”, ka thënë ndër të tjera ai.
Reperi në fjalë po ashtu është duke punuar në projektin e ri, të cilin do të lansojë në ditëtlindjen e tij, më 8 korrik.
Ndërkaq, projekti i fundit i publikuar nga Fero është “Ride or Die”, ku në klip shfaqet edhe e dashura e tij, modelja Arbenita Ismajli. /Telegrafi/
