Fermerët në Lushnje që janë mbledhur për të protestuar te rrethrrotullimi i Plugut, në hyrje të qytetit janë përplasur me forcat e policisë.
Ata janë ulur këmbëkryq në rrugën kryesore, duke e bllokuar atë dhe duke paralizuar qarkullimin e mjeteve që shkojnë në drejtim të jugut të vendit.
Fermerët janë pajisur me pankarta ku tregojnë qartë kërkesat e tyre dhe arsyet e kësaj proteste.
“Subvencionim direkt i fermerit për njësi të prodhimit dhe 10 lekë për kg.
-Instrument për formalizim.
-Instrument zhvillimi jo përkrahje sociale.
-Lufton korrupsionin dhe burokracinë
-Stimulon suksesin, lufton parazitizmin
-Garanton efektshmëri të shpenzimit
-Zero kosto implementimi“, shkruhet në një nga pankartat që fermerët mbajnë në duar. /tch/
