Elita e futbollit kosovar do të vazhdoj edhe sot me ndeshjet e javës së katërt.
Në fakt sot (e diel) do të zhvillohen dy ndeshjet e fundit të kësaj jave dhe pritet të jenë mjaftë interesante.
Ferizaj do të jetë nikoqir i Vushtrrisë, në një ndeshje që cilësohet derbi i skuadrave bardh e kaltër.
‘Ujqit’ pas fitores së madhe në xhiron e parë te Drita, kanë pësuar dy humbje radhazi dhe për synim kanë të rikthehen te fitorja.
Ndërkohë Vushtrria që ka bërë ndryshime në shtabin teknik ka marrë vetëm një pikë pas tri xhirove dhe kërkon fitoren e parë në kampionat.
Tejet interesant pritet të jetë edhe në kryeqytet, ku Flamurtari mirëpret Dukagjinin e Klinës.
Skuadra e Artim Shaqirit në këtë takim vije pas fitores minimale 1-0 ndaj Ferizajt, derisa klinasit kërkojnë këndelljen pas humbjes 0-4 nga Drita.
Të dyja sfidat si ajo në Ferizaj ashtu edhe në Prishtinë fillojnë nga ora 16:00. /Telegrafi/