Menaxheri i Manchester United, Sir Alex Ferguson, beson se ekipi i tij mund të shkruajë histori dhe ta kalojë rivalin e madh, Liverpool.
Djajtë e kuq tashmë kanë numër të njëjtë të titujve të fituar në Ligën Premier sa edhe rivalët e tyre, të kuqtë, 18 tituj gjithsej.
Por Manchester United këtë sezon është në garë për të arritur te numri 19 dhe për ta kaluar rivalin e madh. Nëse kjo funksionon, Manchesteri do të thyente edhe një rekord tjetër, titullin e katërt në Premier.
“Fitimi i titullit të 19-të është një pjesë e madhe e shpirtit tim. Po ashtu jemi duke kërkuar edhe titullin e katërt radhazi, dhe kjo do të ishte fantastike. Nëse do të arrijmë te titulli i 19-të, ky do të jetë më i madhi në historinë e ligës. Kemi shanse për një sfidë të tillë”, ka thënë Ferguson për The Sun./Telegrafi/