Kate Wright dhe i dashuri i saj, Rio Ferdinand, janë shfaqur në disponim të mirë gjatë pushimeve të përbashkëta.
26-vjeçarja e ka treguar figurën e saj trupore duke u rrezitur pranë një pishine së bashku me ish-futbollistin anglez. Çifti ndodhet në Dubai për pushime dhe duket se po ia kalojnë për mrekulli.
Ish-ylli televiziv, e cila u largua nga “Towie” për t’u përqendruar te romanca me Rion, kishte veshur bikini të zeza në kohën kur paparacit i kanë bërë fotografi.
Kate dhe i dashuri i saj 38-vjeçar janë parë duke u përkëdhelur dhe duke u argëtuar me njëri-tjetrin, pasi më në fund e kanë pranuar edhe publikisht lidhjen e tyre.
Ferdinand, i cili është baba i tre fëmijëve, e pranoi lidhjen me Wright në fillim të këtij muaji gjatë pjesëmarrjes në emisionin televiziv This Morning.
Njëkohësisht, ishte hera e parë që ish-mbrojtësi i Manchester Unitedit shfaqej pa unazën e martesës, prej se gruaja e tij, Rebecca Ellison, vdiq nga kanceri në moshë 34 vjeçare (në vitin 2015).
“Jam shumë i lumtur, fëmijët janë të lumtur. Jam në një lidhje dhe po shkon mirë. Fëmijët e mi meritojnë të jenë të lumtur”, kishte deklaruar asokohe Ferdinand. /Telegrafi/
