Kandidati për deputet nga Partia Demokratike e Kosovës, Ferat Shala ka nisur fushatën zgjedhore për zgjedhjet parlamentare që do të mbahen më 9 shkurt.
Shala ka takuar mbështetësit e tij në Komoran, ku edhe ka prezantuar programin e PDK-së, transmeton Telegrafi.
“Kosova do t’i kthehet punës, projekteve dhe investimeve me programin e PDK-së me Bedri Hamzën Kryeministër. Prandaj edhe mbështetja është kaq masive gjithandej Kosovës. E njëjta ishte edhe në Komoran, në nëndegën e dytë në këtë lokalitet të madh”, ka shkruar Shala në Facebook.
Ai tutje ka theksuar se “në shkollën që mban emrin e heroit, njërit prej prijësve të luftës për liri, Xheladin Gashit – Plaku, shpreha përkushtimin për një Kosovë më të mirë, ashtu siç të gjithë ne e duam”.
Ferat Shala mban numrin 16 në listën e PDK-së e cila ka numrin 131./Telegrafi/
