Fenomeni i TikTok-ut, Khaby Lame po përgatitet për debutimin e tij në Hollywood, duke qenë se tashmë Los Angeles është bërë shtëpia e re e tij.
Ai do të jetë pjesë e një filmi komedi-aksion, të quajtur “00Khaby”, për të cilin ai thotë se do të xhirohet në Brazil, Indi dhe Shtetet e Bashkuara.
Lame do të luajë rolin e një shpërndarësi ushqimi, i rekrutuar si spiun nga shërbimi sekret amerikan.
“Tani po i përkushtohem kinemasë. Shpresoj që kjo të jetë puna ime për gjithë jetën. Është diçka që e kam ëndërruar që kur kam qenë fëmijë”, tha Lame i gjithë buzëqeshur në një intervistë për AFP.
“Gjithashtu gjithmonë kam ëndërruar të fitojë një Oscar, ndoshta më shumë se një”.
@khaby.lame Why are the Bad Boys always doing the most? 😂🚪🔒 #BadBoys: Ride Or Die is exclusively in theaters this June @Bad Boys: Ride or Die @Sony Pictures #SonyPicsPartner ♬ original sound – Khabane lame
Influenceri 24-vjeçar italian me prejardhje nga Senegali, mban vendin e parë në TikTok me 162.8 milionë ndjekës.
Ai u bë i famshëm me videot e tij të shkurtra duke u tallur me videot ‘life-hack’ të ndërlikuara. /Telegrafi/