Meshkujt beqarë me sens të mirë humorit vazhdimisht pyeten se përse nuk kanë të dashura – por, duket se përgjigja mund të jetë se ata thjesht janë joshës.
Një studim, i kryer nga universitetit shtetëror i Floridas, ka zbuluar se në lidhje të suksesshme romantike femra është më joshëse sesa partneri i saj, transmeton Telegrafi.
Me fjalë të tjera, femrat janë më të lumtura kur lidhen me meshkuj më pak joshës.
Në këtë anketim, një grup prej 113 çifteve të porsamartuara janë vlerësuar për pamjet individuale dhe kështu është zbuluar se nëse mashkulli është më pak atraktiv sesa gruaja e tij, atëherë ai është më i prirë të përpiqet më shumë – pra t’i blejë asaj më shumë dhurata, të bëjë më shumë punë të shtëpisë, të kujdeset më shumë për higjienën, e madje edhe ta përmirësojë performancën në shtrat.
“Meshkujt duket se janë më të përkushtuar në kënaqjen e grave kur ndihen se ata kanë pranë vetes diçka shumë të mirë”, thotë studimi.
Veç kësaj, hulumtimet kanë treguar se kur meshkujt vlerësohen si më joshës sesa partneret e tyre, femrat kanë tendenca të ndihen inferiore, e rrjedhimisht kjo ndikon keq në jetën e tyre. /Telegrafi/