Një video që është duke qarkulluar në rrjetet sociale tregon më së miri se si kurrë nuk duhet lënë fëmijët vetëm, e në veçanti kur në hapësirën ku janë ekzistojnë gjëra të rënda, por që lehtë mund të rrëzohen.
Kamerat e sigurisë të instaluara brenda një shtëpie, shfaqin momentin kur një djalë i vogël derisa po luante hapë dollapin dhe duket tentuar të shikojë se çfarë kishte brenda, në një moment fillon të bie dhe për pak sa nuk e zë, transmeton Telegrafi.
Është interesant se si për pak centimetra, vogëlushi i shpëton përplasjes dhe lëndimit të rëndë trupor, pasi dollapi përfundoi në dysheme.
Pas zhurmës së krijuar nga rrëzimi i dollapit, reagon një grua e cila zbret nga kati i dytë i shtëpisë për të shikuar se çfarë kishte ndodhur.
Për fat të mirë, aty e kuptoi se fëmijët që po luanin i kishin shpëtuar më të keqes, por ky veprim i tyre gjithsesi duhet t’i shërbej si leksion prindërve për herët tjera. /Telegrafi/
https://www.youtube.com/watch?v=VUbJE-AWsk4