“Mbetëm të shokuar kur pamë bishtin. Dëshiruam që mjekët t’ia hiqnin menjëherë, por na thanë se është rrezik për një fëmijë të porsalindur t’i nënshtrohet operacionit”, tha Hou, babai i vajzës.
Prindërit e vogëlushes nga Hong Kongu çdo ditë kontrollonin bishtin me shpresën se ai do të zvogëlohej dhe do të zhdukej por në vend të kësaj bishti rritej gjithnjë e më shumë.
Mjekët në spitalin e fëmijëve në provincën Avhui në lindje të Kinës, vendlindja e vajzës, mbetën të tmerruar me këtë rast.
“Një gjë e tillë ndodhë rrallë. Ndoshta një në një milion fëmijë. Kurrë s’kemi parë një gjë të tillë”, tha mjeku Sun Jun për mediet kineze.
Rrezet rëntgen zbuluan se bishti ishte i lidhur me një tumor në kurriz. Mjekët e operuan Hung Hungun kur mbushi katër muaj dhe operacioni kaloi me sukses, por mjekët ende s’janë të sigurt nëse nevojitet mjekim shtesë për shërimin e vajzës. /Telegrafi/