Kaitlyn Bottem nga Minnesota e Shteteve të Bashkuara, ka njoftuar forcat e rendit pasi për gjysmë ore, nuk mund ta gjente fëmijën e saj që u zhduk papritmas.
Vogëlushi dyvjeçar kishte qenë duke luajtur me familjarë, kur është nisur për në fushën e mbjellë me misër dhe nuk dukej askund në errësirë, transmeton Telegrafi.
Për fat të mirë, pas tij ka shkuar qeni i familjes që e ka gjetur dhe e ka mbrojtur, derisa helikopteri me ndjeshmëri në nxehtësi e ka lokalizuar ku ndodhet.
“Sikur mos të ishte qeni, fëmija mund të qante dhe nga paniku i madh, të pësonte sulme ankthi, që do të kishin pasoja të mëdha”, thuhet në raport lidhur me rastin.
Megjithëse i uritur dhe pak i ftohur, fëmija nuk ka pësuar ndonjë lëndim derisa ndodhej për tri orë gjatë natës në ambient të hapur. /Telegrafi/
