Shtatzëna Montana Brown ka zbuluar se është fejuar me të dashurin e saj, Mark O’Connor.
Ish-ylli i “Love Island”, 27 vjeçe, bëri një postim në Instagram duke treguar se i është bërë propozimi nga partneri i saj, 27-vjeçar.
Montana, e cila aktualisht është në pritje të fëmijës së saj të parë me Markun, ndau një pasqyrë të propozimit romantik teksa konfirmoi lajmin.
Ajo postoi një foto bardh e zi të momentit të ëmbël kur tha ‘po’, duke treguar Markun të ulur në një gju ndërsa ai bënte pyetjen shumë të rëndësishme.
Çifti kishte shijuar një darkë private në një tavolinë në mes të plazhit piktoresk, kur Marku i propozoi në mënyrë romantike.
Ky është një tjetër moment historik i madh për çiftin, të cilët aktualisht janë në pritje të fëmijës së tyre të parë – një djalë.
Përveç ndarjes së lajmeve të fejesës së saj, Montana ka dokumentuar shtatzëninë me një sërë fotosh mahnitëse.
Në mars, Montana njoftoi gjininë e foshnjës me një video prekëse në Instagram, gjersa organizuan një festë në Huntlington House në Worcester.
Ata kanë qenë në lidhje prej disa vitesh. /Telegrafi/
