Futbollisti i Përfaqësuese së Kosovës, Idriz Voca është fejuar.
Mesfushori i ekipit italian Cosenza Calcio i ka propozuar partneres së tij prej vitesh, Anete Meier e cila njihet si blogere.
Lajmin e kanë bërë të ditur çifti përmes disa fotografive që kanë publikuar në llogaritë e tyre përkatëse në Instagram.
“Ajo ka tha po”, ka shkruar futbollisti krahas imazheve ku të dy shihen të lumtur krah njëri-tjetrit.
Ndërkohë, të shumta kanë qenë edhe urimet nga ana e familjarëve, miqve dhe ndjekësve të tij në hapësirën e komenteve.
Theksojmë që 25-vjeçari prezantua te klubi italian i Serie B, Cosenza Calcion në janar të këtij viti.
Sezonin e kaluar Voca veshi fanellën e Ankaragucu, me të cilën bëri 26 paraqitje në Super Lig të Turqisë. /Telegrafi/