Të dielën më 22.06.2014 u zhvillua ndeshja finale mes ekipeve FC ZIDANE dhe FC FRESH, një ndeshje mjaft interesante, me shumë gola dhe shumë raste shënimi.
Ndeshja përfundoi me rezultat 5 : 3, me golat e shënuar nga (Haki Ahmeti 1, Akil Makolli 3, Kujtim Sopa 1 për FC Zidane) , ndërsa (Durim Qorri 1, Mergim Boshnjaku 1, Granit Cana 1 për FC Fresh) ku Kampion i ligës u shpall ekipi FC ZIDANE. Titullin e kampionit e ngriti futbollisti i mirënjohur kosovar, Muhamet Dragusha.
Organizatorët edhe kësaj radhe kishin menduar edhe për individët më të dalluar të këtij sezoni, të cilët me kontributin e tyre i dhanë hijeshi ligës.
Asistuesi më i mirë i ligës u shpall Qëndrim Krasniqi nga FC FRESH me 60 asistime.
Golashënuesi i ligës u shpall Eragon Gashi nga FC AKLLAPI me 128 gola.
Lojtari më i dalluar i ligës u shpall Haki Ahmeti nga FC ZIDANE i cili shumë herë ishte lojtari i cili kishte vendos fatin e ekipit të tij me gola të jashtëzakonshëm.
Ndërsa ekpi më fair-play u shpall FC AKLLAPI.
Mysafir special ishte drejtoresha për Rini Kulturë dhe Sport në Komunën e Prishtinës znj. Blerta Zeqiri, e cila njëkohësisht shpërndau edhe shpërblimet për fituesit.
Në këtë finale mbeti për tu përmendur edhe ndarja e drejtësisë e cila ishte në nivel shumë të lartë. Organizatorët kishin menduar që drejtësinë ta ndajnë gjyqtarë profesionist të Superligës së Kosovës.
Për më shumë, shikojeni videon e ndarjes së shpërblimeve për lojtarët më të dalluar të kësaj lige. /Telegrafi/
