FBOXK përmes një njoftimi ka bërë të ditur se gjatë kësaj vizite delegacioni i FBOXK-së i ka njoftuar nikoqirët për rrjedhat e boksit të Kosovës, e në veçanti për turneun ndërkombëtar “Adem Jashari”.
Sipas këtij njoftimi, selektori i Kosovës për diasporë pran FBOXK-së, Muharrem Gjocaj ka bërë punë të madh duke i hapur dyert delegacionit të Federatës së Boksit të Kosovës me federatën italiane dhe zvicerane.
“Më të arritur në Milano të Italisë, miku i ynë dhe pjesëmarrësi i disa turneve ‘Adem Jashari’ Antonio Lauri bashkë me selektorin e boksit pranë FBOXK-së, Muharrem Gjocajn na kanë mundësuar të zhvillojmë takime më zyrtarët e federatës italiane dhe zvicerane si dhe me Komitetin Olimpik në rrethin e Lombardis. Ne gjatë këtyre takimeve i njoftuam federatën italiane dhe atë zvicerane për rrjedhjen e boksit të Kosovës, sidomos për turneun ‘Adem Jashari’, i cili këtë vit do të mbahet me 15 dhe 16 nëntor. Gjithashtu ne i ftuam këto dy federata që të jenë pjesë e këtij turneu. Ata janë zotuar se do të marrin pjesë në këtë turne me nga dy ose tre boksier”, është thënë në njoftimin e FBOXK-së.
Sipas këtij njoftimi, gjatë këtyre takimeve është biseduar edhe për mundësinë e bashkëpunimit te federatës sonë me këto dy federata të njohur në boksin evropian. /Kosovapress/Telegrafi/