Drejtori i FBI-së, Christopher Wray, zbuloi gjatë një dëshmie maratonë të mërkurën se hetuesit ende nuk e dinë nëse ish-presidenti Donald Trump u qëllua nga një plumb apo “një copëz” gjatë tentativës për vrasjen e tij.
Sipas mediave të huaja, përcjell Telegrafi, dy herë gjatë seancës, Wray u tha ligjvënësve se FBI ishte ende duke punuar për të përcaktuar se çfarë saktësisht e goditi ish-presidentin në veshin e tij të djathtë gjatë një mitingu në Butler, Pensilvani.
“Ka një pyetje nëse ka qenë apo jo një plumb apo copëz që i ka goditur veshin, kështu që është e imagjinueshme… nuk e di nëse ai plumb, përveçse ka shkaktuar goditje, mund të ketë gjithashtu zbarkoi diku tjetër”, dëshmoi Wray.
Ndërsa hetimi për atentatin vazhdon, Wray i ofroi komitetit disa njohuri të reja – përfshirë zbulimin se Crooks u përpoq të hulumtonte se sa larg ishte sulmuesi nga ish-presidenti John F. Kennedy kur ai u vra në 1963.
FBI Director Christopher Wray: “With respect to former president Trump, there’s some question about whether or not it’s a bullet or shrapnel that hit his ear.” pic.twitter.com/3TNjLZp4S1
— Republicans against Trump (@RpsAgainstTrump) July 25, 2024
Siç thuhet më tej, 20-vjeçari i armatosur që tentoi të vriste Donald Trump bëri një kërkim në internet për vrasjen e John F Kennedy rreth kohës kur ai filloi të përqendronte vëmendjen te kandidati republikan presidencial.
Drejtori i FBI-së, Christopher Wray të mërkurën i tha Komitetit Gjyqësor të Dhomës së Përfaqësuesve se i dyshuari Thomas Crooks vizitoi vendin e tubimit të Trump në Butler, Pensilvani, dy herë përpara se të hipte në çatinë e një ndërtese aty pranë më 13 korrik dhe të qëllonte të paktën tetë plumba, duke plagosur Trump në vesh, duke vrarë një pjesëmarrës në tubim dhe duke plagosur dy të tjerë.
“Analiza e një laptopi që lidhet me sulmuesin zbulon se më 6 korrik, ai bëri një kërkim në Google për – citim – “sa larg ishte Oswald nga Kennedy”, tha zoti Wray.
Ai i referohej Lee Harvey Oswald, i cili vrau ish-presidentin Kennedy në Dallas, Teksas, më 22 nëntor 1963. /Telegrafi/