Dr. Anthony Fauci, këshilltari kryesor mjekësor i presidentit Joe Biden, të shtunën përsëriti bindjen e tij se teoria e origjinës natyrore e coronavirusit është akoma më e mundshmja.
Komentet e tij vijnë ndërsa CNN ka raportuar që zyrtarë të lartë të administratës së Biden duke mbikëqyrur një rishikim të inteligjencës mbi origjinën e coronavirusit tani besojnë se teoria që virusi u arratis aksidentalisht nga një laborator në Wuhan është të paktën po aq e besueshme sa mundësia që ajo të shfaqej natyrshëm.
Kjo siç shkruan CNN, përcjell Telegrafi, është një ndryshim dramatik nga një vit më parë, kur demokratët minimizuan publikisht të ashtuquajturën teori të rrjedhjeve laboratorike.
“Shpjegimi më i mundshëm është një evolucion natyror nga një rezervuar kafshësh në një njeri”, ka thënë Fauci, drejtori i Institutit Kombëtar të Alergjisë dhe Sëmundjeve Infektive, për CNN.
“Sapo ta thuash atë, që besoj se ka më shumë të ngjarë, duhet të sigurohesh se vazhdon të kesh një mendje të hapur për të gjitha mundësitë, duke përfshirë një rrjedhje laboratori”, ka shtuar ai.
Por Jim Acosta i ka bërë presion Faucit për të konfirmuar se ai beson se teoria e origjinës natyrore është ende skenari më i mundshëm.
“Po, dhe nuk jam i vetëm në këtë”, tha Fauci. “Një punim i fundit u botua nga 21 virologë dhe biologë evolucionarë shumë të respektuar ndërkombëtarisht, të cilët thanë të njëjtën gjë siç po them. Dhe unë mbështetem te njerëz si ata, të cilët kanë përvojë të madhe në këtë. Kjo është ajo që ata bëjnë çdo ditë – të cilët, përsëri, janë me mendje të hapur – dhe janë duke thënë se është e mundshme që ju mund të keni pasur një rrjedhje laboratori. Kështu që ju duhet të mbani një mendje të hapur për të gjitha mundësitë, por ata mendojnë se shpjegimi më i mundshëm është një evolucioni natyror nga një kafshë në një njeri”, citohet të ketë thënë ndër tjerash Fauci. /Telegrafi/