Eksperti amerikan i sëmundjeve infektive, Anthony Fauci, thotë se duhet të merret parasysh ideja që udhëtarët nga Mbretëria e Bashkuar të vaksinohen para se të arrijnë në SHBA.
Duke folur në BBC News, përcjell Telegrafi, Fauci tha se nuk do ta rekomandonte ndalimin e plotë të udhëtarëve nga MB-ja.
Sipas tij, ndalimi i plotë “mund të jetë pak si një reagim i tepërt”.
“Megjithatë, unë sigurisht i respektoj vendet e tjera për vendimet e tyre”, tha ai.
Deklarata e Faucit vjen pasi shumë vende të botës i kanë ndaluar udhëtimet nga Mbretëria e Bashkuar për shkak të variantit të ri të coronavirusit.
Varianti i ri i cili vlerësohet të jetë 70 për qind më i transmetueshëm, nuk mendohet të jetë më i rrezikshëm. /Telegrafi/