Aktori i njohur shqiptar, Fatmir Spahiu, ka qenë së fundmi disa ditë për vizitë në New York.
Ai atje është takuar nga afër me disa miq të tij, përfshirë edhe një aktore shumë të njohur për shqiptarët e Kosovës.
Bëhet fjalë për Leonora Mehmetajn, e cila njihet në publik më shumë si ‘Nita’ e hit-serialit vendor “Kafeneja Jonë”.
Fatmiri dhe Loenora kanë pasur një rrugëtim të gjatë së bashku në serialin i cili ka zgjatur për vite të tëra, ndërsa duket se ruajnë raporte të mira miqësore edhe pas përfundimit të tij.
‘Nita’ përndryshe prej vitesh është shpërngulur në Shtetet e Bashkuara të Amerikës, ku ka nisur një jetë të re dhe është bërë nënë atje.
Spahiu ka publikuar disa fotografi në Facebook nga ritakimi i tyre pas shumë vitesh, teksa ka shkruar në mbishkrimin e tyre se vazhdimisht është pyetur nga fansat e tij për vendndodhjen e koleges së tij të dikurshme.
“Ku është Nora, ku është Nora, qe ku është! Ehhehe…gjithmonë shumë qejf me taku shoqen time, aktoren e mrekullueshme, Leonora Mehmetaj dhe plot miq tjerë që jetojnë në New York”, ka shkruar ndër të tjerash aktori i njohur në Facebook. /Telegrafi/
