Aktori i mirënjohur kosovar, Fatmir Spahiu, i njohur si Bufi, ka komentuar së fundmi aderimet e shumë artistëve nëpër parti të ndryshme politike, që po ndodhin para zgjedhjeve të parakohshme.
Ai u ka dalë në mbrojtje kolegëve të tyre, duke shkruar se ata nuk janë të rrezikshëm aq sa militantët e tjerë të partive.
Në një status të gjatë, të shkruar në rrjetin social Facebook, Fatmir Spahi ndër të tjerash pyet publikun se pse nuk po zgjohet aq shumë pluhur për aderimet e njerëzve të profesioneve tjera, por vetëm atyre të artit dhe televizionit.
“U knaqet tu i sha e ofendu artistat qe po hyne politike. Bash jeni shfry fort! Kjo eshte krejtesisht normale per faktin qe ata nuk rrehin, nuk ti shperthejne gumat e kerrit, nuk te pysin ku po i qon femijet ne shkolle. Ata mujne veq me nejt perball jush si thes i boksit. Eshte e çuditshme se si nuk reagoni njejte psh per arkitektet, doktoret etj qe poashtu jane profile publike e popullore! Pse eshte ky perceptim negativ per politiken e qe une jam shume dakord nuk eshte faj i artisteve por i atyre qe kane qene deri tash. Asnje artist e sportist kosovar nuk eshte fajtor per ikjen e te rinjeve nga vendi. Artistet e sportistet jane bash ne te njejten thes me qytetarin e Kosoves. Jam i sigurte qe nje kryeminister artist do te ishte me i mire se nje “politikan” klasik”, ka shkruar Fatmir Spahiu në Facebook.
Ndërkohë, kujtojmë që e gjithë kjo tallje në rrjetet sociale me aderimet e artistëve në parti politike, erdhi pasi modelja Arta Nitaj, aktorët Fisnik Ademi e Jeton Zogiani bashkë me parukierin Kaci, ishin të ftuar në një emision televiziv për të komentuar situatën politike në vend. /Telegrafi/