Hulumtuesit e kanë prezantuar një fashë të zgjuar, që do të lëshojë insulinën në trup, vetëm atëherë kur nevojitet.
Po ashtu, do të monitorojë sheqerin në gjak, i cili nëse rritet, fasha do të lëshon sasi të caktuar të insulinës për të nivelizuar atë.
Fasha – një rreth i hollë, jo më i madh se monedha prej pesëdhjetë cent – do të ketë rreth njëqind gjilpëra, të mëdha sa qerpiku i syrit.
Këto “mikro gjilpëra” do të jenë të pajisura me një “mikro depo”, të mbushur me insulinë dhe enzima të glukozës, të cilat do të rrjedhin në trupin e njeriut, duke bërë nivelizimin e menjëhershëm të sheqerit në gjak.
Studimi që është botuar në Zhvillimet e Akademisë Nacionale të Shkencave, tregon se si kjo pajisje ka treguar sukses tek minjtë, që janë të sëmurë me diabetin e shkallës së parë. /Telegrafi/