Fansat e Aaron Carter kanë qenë të zëshëm pasi këngëtari i ndjerë i “I Want Candy” u la jashtë ceremonisë së “Grammy Awards” në pjesën ku përkujtohen fytyrat e famshme publike që kanë ndërruar jetë apo gjegjësisht në “In Memoriam”.
Segmenti i gjatë i homazheve nderoi personazhet në industrinë e muzikës që vdiqën vitin e kaluar, përfshirë: Loretta Lynn, Takeoff, Christine McVie, Lisa Marie Presley, DJ Stephen ‘Twitch’ Boss, Naomi Judd, Jeff Beck, Olivia Newton-John, Coolio, David Crosby etj.
Në të njëjtën kohë që fytyrat e secilit prej të famshmëve të ndjerë u ndezën në ekrane, Kacey Musgraves, Quavo, Sheryl Crow, Mick Fleetwood dhe Bonnie Raitt dhanë shfaqje emocionale për të nderuar ata që vdiqën.
Megjithatë, disa përdorues të Twitter vunë në dukje se Carter, i cili vdiq më 5 nëntor 2022, ishte lënë jashtë ceremonisë.
“Përse nuk u përfshi Aaron Carter në pjesën përkujtimore të ‘Grammy Awards’?”, shkroi një fans.
“Ata vërtet e injoruan Aaronin gjatë pjesës përkujtimore në Grammy”, shtoi një tjetër.
“Nuk e kuptoj pse mbeti jashtë In Memoriam”, tha një tjetër.
Carter u gjet i vdekur në një vaskë në shtëpinë e tij në Kaliforni nëntorin e kaluar. Ai ishte 34-vjeçar.
Familja e tij thuhet se beson se ylli i popit vdiq nga një mbidozë droge.
Megjithatë, ata janë ende në pritje të një raporti për të konfirmuar shkakun e vdekjes së tij. /Telegrafi/
