Së fundmi ka pasur një debat në Reddit për moshën e William Shatner.
Fansat kanë parë disa nga fotot e tij të fundit dhe kanë shkruar se nuk mund ta besojnë se sa vjeç është aktori.
“Mund të jem duke e ekzagjeruar, por William Shatner duket shumë më i ri dhe më entuziast se shumica e aktorëve të kohës së tij”. “Ai duket shumë më i ri se shumica e njerëzve të moshës së tij”, “Ai kishte një punë stresuese, por ende duket shumë më i ri se mosha që ka”, ishin disa prej komenteve.
“Duket se ai është 60, maksimumi 70”, shtoi një fans. “Po, nëse jemi të sinqertë, njeriu duket sikur është në të 60-at”, shtoi një tjetër përdorues i Reddit.
Por sa është mosha e aktorit ikonik?
William Shatner mbushi 93 vjeç në mars dhe fansat nuk po mund ta besojnë se kjo është mosha reale e tij.
Ai u bë i famshëm për rolin e James Kirk, personazhi që portretizonte kapitenin e USS Enterprise në serialin televiziv fantastiko-shkencor Star Trek. Si dhe për të njëjtin rol në shtatë filma të tjerë të Star Trek.
Shatner ka shkruar disa libra për përvojat e tij në rolin James Kirk dhe fenomenin Star Trek. Ai gjithashtu punon si producent dhe muzikant.