Teaser-i i parë i “Shrek 5” ka ngjallur polemika mes fansave, të cilët kritikojnë stilin e ri të animacionit.
Shumë prej tyre mendojnë se Shrek duket i ndryshuar, me tipare të modifikuara si buzë më të plota dhe fytyrë të ngritur.
Në klip, Shrek dhe Gomari shikohen në pasqyrë, ndërsa Pasqyra Magjike e quan Shrekun “më të bukurin nga të gjithë”, duke shfaqur një version më të tonifikuar të tij, shkruan DailyMail.
Ndërkohë, trailer-i konfirmon rikthimin e aktorëve Mike Myers, Eddie Murphy dhe Cameron Diaz, ndërsa Zendaya do të luajë vajzën adoleshente të Shrekut dhe Fionës.
Reagimet ‘online’ nuk kanë qenë pozitive, me krahasime ndaj polemikës së Sonic në 2019, kur dizajni i personazhit u ndryshua pas kritikave masive.
Fansat e përshkruajnë animacionin si një “mosrespektim ndaj stilit origjinal” dhe kërkojnë që DreamWorks ta rishikojë.
Pavarësisht polemikave, “Shrek 5” pritet të dalë në dhjetor 2026, si filmi i parë kryesor i ekskluzivitetit pas 14 vitesh.
Franciza, e bazuar në librin e William Steig, ka pasur një sukses të madh që nga debutimi i saj në 2001, me katër filmat e parë që kanë fituar mbi 2.9 miliardë dollarë (rreth 2.67 miliardë euro) globalisht. /Telegrafi/
