Influencerja dhe miliarderja e njohur amerikane, Kylie Jenner, publikoi ditë më parë disa imazhe dhe një video ku pozonte në det të hapur në një jaht luksoz.
Themeluesja e Kylie Cosmetics, shfaqi linjat e saj të përkryera si dhe barkun e sheshtë derisa pozonte në veshje verore.
Ajo ndau disa foto të mrekullueshme, derisa në prapavijë kishte shkarkime rrufesh.
“Nëna e stuhisë”, shkroi Jenner në postimin e saj.
Megjithatë, fansat kishin një shqetësim nga veprimet e saj.
Disa ndjekës theksuan se ishte shumë e rrezikshme nga mënyra se si Jenner ishte mbështetur në një parmak metalik gjatë një stuhie.
Nëse rrufeja do të godiste metalin, miliarderja do të mund të goditej nga rryma. /Telegrafi/