Këngëtari i popullarizuar kanadez, Justin Bieber, i ka befasuar fansat me publikimin e një fotografie dhe videoje në Instagram, kur tregonte tatuazhin e madh që ia përfshinte gjoksin dhe barkun.
Këtë tatuazh, ai e ka bërë në muajin mars dhe tani ka vendosur ta tregojë si të plotë.
Në njërën anë të gjoksit e ka të vizatuar një ari të madh, kurse në anën tjetër luanin dhe nën ta ndodhen forma të ndryshme.
Fansat e Bieber kanë reaguar menjëherë përmes komenteve në Instagram duke i thënë se e ka tepruar me tatuazhe, të cilat nuk duken aq mirë.
“Je bërë i varur nga tatuazhet. Pse e shkatërron trupin me to, kur nuk kanë vlerë?”, ishte pyetja e një fansi drejtuar këngëtarit.
Një tjetër i ka thënë se është dukur më mirë në të kaluarën, kur ka pasur tatuazhe të vogla.
Krahas atyre që e kanë kritikuar, ka pasur edhe nga ata që e kanë inkurajuar duke i thënë se mund të bëjë çfarë të dojë me trupin e vet.
Ndryshe, Justin Bieber deri më tani i ka vizatuar 60 tatuazhe në trupin e tij. /Telegrafi/