Shumë banorë të Edinburgut nxorën korgit e tyre në rrugët e kryeqytetit skocez për t’i bërë nderimet e tyre mbretëreshës, ndërsa arkivoli i saj mbërriti në Holyroodhouse.
Mbretëresha Elizabeth II gjatë mbretërimit të saj 70-vjeçar, ajo zotëronte më shumë se 30 korgi dhe vitet e fundit ajo rezistoi të merrte të reja sepse nuk donte t’i linte pas vdekjes së saj.
Megjithatë, ajo la pas katër qen, dy prej të cilëve janë corgis, për të cilët do të kujdesen Princi Andrew dhe ish-bashkëshortja e tij Sarah Ferguson.
Me kalimin e viteve, corgis janë bërë një simbol i familjes mbretërore britanike. Elizabeth II mori kafshën e saj të parë në moshën shtatë vjeçare. Ajo e quajti atë Dookie, dhe ardhja e tij shënoi fillimin e një marrëdhënieje të gjatë midis Princeshës Elizabeth dhe korgi.
Në ditëlindjen e saj të 18-të, Elizabeth mori një corgi, Susan, e cila u bë shoqëruesja e saj besnike përmes disa prej momenteve më të mëdha të jetës. Susan ishte me të në kurorëzimin, dasmën, madje edhe në muajin e mjaltit me Princin Philip.
Susan mori pjellën e saj të parë në vitin 1949. Pasardhësit e saj filluan dinastinë e qenve të familjes mbretërore. Ajo vdiq në vitin 1959, në moshën 14-vjeçare, por 14 breza të pasardhësve të Suzanës jetuan me Mbretëreshën derisa korgi i fundit, Willow, vdiq në vitin 2015. Sipas mediave, Mbretëresha ishte veçanërisht e prekur nga kjo pasi shënoi fundin e linjës së Susan. /Telegrafi/
