Familjarët e shtetasve turq të arrestuar para dy ditësh ende po qëndrojnë në Aeroportin “Adem Jashari”.
Ata po këmbëngulin që t’i marrin pamjet e kamerave të sigurisë ku shihen familjarët e tyre që kalojnë nëpër kontrollet e aeroportit.
Mediat sot kanë publikuar disa pamje të kamerave ku shihen të arrestuarit duke u verifikuar nëpër kontrolle nga Policia ndërkohë që në njërën nga to shihen edhe duke hipur në aeroplan.
Një familjar ka thënë për gazetarin e KosovaPress që aktualisht është në vendin e ngjarjes se dëshirojnë t’i kenë të gjitha faktet sepse po dyshojnë se ata gjenden në territorin e Kosovës.
Për t’i hequr këto dyshime EULEX-i mbrëmë ka kontrolluar aeroportin dhe sipas këtij misioni nuk janë gjetur të arrestuarit.
Megjithatë familjarët dhe avokatët e të arrestuarve dyshojnë se ata gjenden në pjesën e aeroportit të vjetër. /kp/Telegrafi/