Atëherë zyrtarë i policisë e tani deputet në paraburgim, Johan Tarçullovski tanimë ka edhe një betejë tjetër me gjykatat.
Këtë herë me familjarët e civilëve të vrarë në fshatin Luboten në vitin 2001. Familja Jusufov, më saktësisht familjarët e të vrarit Rami Jusufov, djal i Elmaz dhe Zenep Jusufov, e kanë paditur Johan Tarçullovskin si zyrtar policor për vdekjen e djalit të tyre, shkruan Telegrafi Maqedoni.
Më herët si objekt i padisë ka qenë e gjithë Ministria për Punë të Brendshme por tani është kërkuar që të shtrihet edhe hetimi për Tarçullovski i cili për momentin është në paraburgim shtëpiak, për ngjarjet e përgjakshme në Kuvend.
Për të njejtin rast, Tarçullovski u dënua nga Gjykata e Hagës me burg prej 12 vitesh.
Pala paditëse kërkon dëmshpërblim nga Tarçullovski me shokë, prej 1 milionë euro. /Telegrafi/