Një qen që u zhduk nga shtëpia e pronarëve të saj në Arkansas u ribashkua me familjen e saj 3 vjet më pas falë një mikroçipi. Rex dhe Britnee Smith thanë se dy pitbullët e tyre, Jack dhe Jill, u zhdukën nga oborri i tyre në Little Rock në korrik 2020.
Familja kontrolloi zonën, vendosi fletushka dhe bëri postime në rrjetet sociale, por nuk kishte asnjë të dhënë për qentë e humbur.Familja pastaj u zhvendos në McKinney të Teksas dhe nuk prisnin që t’i shihnin kafshët e tyre shtëpiake përsëri.
Çifti tha se u tronditën kur në korrik morën një telefonatë nga Little Rock Animal Village me një lajm të papritur: Jill ishte gjetur, raporton UPI, transmeton Telegrafi.
Nga streha thanë se Jill u kap si një qen endacak dhe u skanua në rast se kishte një mikroçip, i cili u dha atyre numrin e telefonit të Rex Smith.
“Është sikur ajo të mos na kishte lënë kurrë”, tha Britnee Smith. “Ajo erdhi menjëherë në krahët tanë”, shtoi ajo.
Familja tha se ata do rifillojnë kërkimin e tyre për Jack me shpresën se ai mund të jetë në të njëjtën lagje ku u pa edhe Jill. /Telegrafi/