Këngëtarja e njohur, Rezarta Shkurta, e cila mori famë edhe për shkak të lidhjes me nipin e Enver Hoxhës, Ermal Hoxhën, nuk lë rast pa e treguar në rrjete sociale sesa e lidhur është me familjen e saj.
Këtë herë ajo ka vendosur të tregojë pjesëtarët e familjes së saj, vëllanë dhe motrën, duke i cilësuar si pasurinë më të madhe që ka.
“Mami dhe babi jonë i kanë bërë këto tri bebet që do të mbeten gjithmonë Piter Pan”, është mbishkrimi i fotografisë, në të cilën ajo i ka etiketuar ata si pasuria e saj, transmeton BW.
Kujtojmë që Gjykata e Krimeve të Rënda dënoi me 10 vite burg Ermal Hoxhën, si pjesë e të implikuarve për “laboratorin e Xibrakës”, ndërsa Rezarta shpërtheu ndaj medieve që shkruan se teksa jepej vendimi për nipin e Enver Hoxhës, bashkëshortja e tij postonte fotografi duke festuar.
Andaj, duke marrë shkas nga kjo situatë, këngëtarja ka reaguar duke thënë se çdo gjë e ka një kufi. Mes të tjerash ajo ka theksuar se pavarësisht faktit se Ermali ndodhet në burg, jeta për të vazhdon, pasi ajo ka një vajzë për të rritur, ndërsa shtoi se do ta presë bashkëshortin e saj ditën që të lirohet.