Sylvester Stallone dhe gruaja Jennifer Flavin po përgatiten për t’u bërë familja më e njohur e showbizz-it në shfaqjet televizive, pas një ndarjeje të përkohshme të dyshimtë që ndodhi mes dyshes muajin e kaluar.
Familja e Stallones aktualisht janë duke filmuar një shfaqje televizive për Paramount+ – dhe thuhet se po punojnë me të njëjtin ekip që punon për “Keeping Up With The Kardashians”.
Të enjten (13 tetor), Sylvester dhe Jennifer u shfaqën me vajzat e tyre Sistine dhe Sophia Rose teksa morën pjesë në shfaqjen Ralph Lauren “SS23 Runway” në Bibliotekën Huntington në San Marino të Kalifornisë.
Megjithatë, pozimi i tyre si një familje e lumtur pason pas një dramë serioze familjare që pa dyshim do të përdoret si një histori për serialin e ardhshëm, në të njëjtën mënyrë që Kim Kardashian dhe familja e saj janë të njohur për shfaqjen e tyre.
Në gusht, një përfaqësues i yllit të “Rocky” konfirmoi serialin duke thënë: ‘Stallones aktualisht po xhirojnë së bashku një reality shoë, i cili do të debutojë në Paramount+’.
Menjëherë pas kësaj, ish-modelja Jennifer paraqiti kërkesën për divorc më 19 gusht pas 25 vitesh martesë.
Lajmi shkaktoi valë tronditëse në Hollywood, me shumë njerëz që prisnin një betejë të hidhur divorci që do të bëhej rivalë me atë të Brad dhe Angelina.
Megjithatë, vetëm një muaj më vonë, divorci u anulua dhe çifti u pa më pas duke buzëqeshur dhe duke u ribashkuar teksa u fotografuan në Los Angeles, e ngjashme me dramat e Kim dhe familjes së saj.
Nuk është për t’u habitur që shfaqja e tyre televizive është prodhuar nga e njëjta kompani që drejton shfaqjen hit, e cila krijoi yjet si: Kim, Khloe dhe Kourtney Kardashian.
Ky lajm vjen pasi u raportua se çifti i njohur kanë gjetur një ‘kanal më të mirë komunikimi’ për të përballuar dallimet e tyre, sipas People.
Ata kanë ende punë për të bërë, vuri në dukje burimi, por ‘në një martesë afatgjatë si e tyre, përfundimi i saj dhe ndarja e pasurive të tyre do të ishte e vështirë’.
Pasuria e Sylvester dhe Jennifer vlerësohet të jetë rreth 400 milionë dollarë, ata jetojnë në një rezidencë prej 36 milionë dollarësh në Palm Beach të Floridas.
Në procedurat e divorcit, Jennifer akuzoi Sylvesterin për “shpërndarje të qëllimshme të aseteve martesore”.
Divorci i tyre u pezullua më 21 shtator. Ylli i filmit dhe gruaja e tij prej 25 vitesh vendosën të takoheshin në shtëpi, ku biseduan dhe ishin në gjendje të zgjidhnin mosmarrëveshjet e tyre.
Ditë përpara pajtimit të tyre, një dosje gjyqësore e zbuluar në një gjykatë në Palm Beach të Floridas zbuloi se dyshja ranë dakord ‘që është në interesin më të mirë të secilit prej tyre individualisht, dhe më e rëndësishmja kolektivisht si familje, për të zgjidhur të gjitha çështjet që shoqërojnë për zgjidhjen e martesës së tyre në mënyrë dinjitoze, miqësore dhe private jashtë gjykatës’. /Telegrafi/