Stafi në një strehë kafshësh në Karolinën e Jugut bëri të ditur se një qen i sjellë si kafshë endacake u skanua për një mikroçip dhe u zbulua se ishte një kafshë shtëpiake e zhdukur për tre vjet.
Personeli i Dorchester Paws në Summerville tha se një anëtar i publikut solli një qen endacak në strehë më 19 mars dhe qeni po vuante probleme të shumta shëndetësore, duke përfshirë kequshqyerjen, problemet dentare dhe një infektim nga pleshtat.
Streha e skanoi qenin për një mikroçip dhe ai u identifikua si një kafshë shtëpiake 18 vjeçare e humbur prej 3 vitesh, e quajtur Binky, ose Mr. B, shkruan UPI, transmeton Telegrafi.
Streha tha se familja e Binky, e cila jeton gjashtë orë larg Summerville, ishte e befasuar dhe e gëzuar kur mësoi se kafsha e tyre ishte gjetur pas tre vjetësh.
Nga streha deklaruan se historia e z. B thekson rëndësinë e vendosjes së mikroçipit tek kafshët shtëpiake.
Një vullnetar ishte ai që e ktheu qenin në shtëpi për një ribashkim me familjen e tij. /Telegrafi/