Njësia për krime ekonomike dhe kompjuterike në SPB Shkup ka parashtruar kallëzim penal kundër M.I.(37) nga Velesi për kryerjen e veprës penale “mashtrim” nga neni 247 paragrafi 1 dhe veprën penale “falsifikim i parave” nga neni 268 paragrafi 1 i. Kodit Penal.
Nga MPB njoftojnë se gjatë muajit mars 2021, personi i kallëzuar pasi ka marrë 12 kartëmonedha të falsifikuara (nga 100 euro), i ka përdorur në dy raste, duke i vënë në qarkullim gjatë blerjes së celularëve.
“Ai ka mashtruar dy pronarë të telefonave celularë, të cilët i kanë shpallur për shitje telefonët e tyre. M.I pagesën e ka bërë me kartmonedha të falsifikuara”, thonë nga MPB.