Kryetarja e Lëvizjes Evropiane të Serbëve të Kosovës, Rada Trajkoviq ka reaguar ndaj deklaratës së ambasadorit të Serbisë në ShBA, Marko Gjuriq.
Reagimi i Trajkoviq erdhi pasi Gjuriq u mundua të “shfajësohet” rreth publikimit të një fotografie të tij me Milan Radoiçiqin, kreun e grupit terrorist që sulmoi policinë në Banjskë.
Ambasadori serb në ShBA, ka akuzuar autoritetet e Kosovës për këtë, por Trajkoviq i ka thënë se “kjo fotografi mund të jetë publikuar nga rrethi i tij i ngushtë”.
“Marko, pa qëllim të keq dhe diskutim se kush është në këtë fotografi, por atë ka mundur ta shkrepë dikush nga rrethi i juaj dhe ta publikoj. Është e qartë se ju po shqetësoni dikë dhe se ai po përpiqet t’ju diskreditojë”, ka shkruar Trajkoviq në “X”. /Telegrafi/
Marko, bez zle namere i diskusije ko likuje nad ovom slikom, ali nju je mogao da napravi i javnosti doturi samo neko iz tvog okruženja. Očigledno da nekome smetaš i da se trudi da te diskredituje. https://t.co/DVGN4WuINz
— Rada Trajkovic (@trajkovic_rada) March 10, 2024