Facebook ka njoftuar se nuk do të përdorë më shenja, flamuj të kuq (disputed flags) pranë artikujve dhe posteve të rreme të lajmeve në betejën e saj kundër mashtrimeve dhe dezinformatave në platformë. Në përgjigje të shqyrtimit politik dhe publik mbi përhapjen e rrëfimeve të rreme në këtë faqe interneti, Facebook e kishte nxjerrë këtë vegël një vit më parë për ta bërë më të lehtë për përdoruesit të identifikonin artikujt e dyshimtë në News Feed-in e tyre.
Megjithatë, hulumtimet akademike kanë zbuluar se kjo metodë mund të ketë transmetuar mesazhin e gabuar tek përdoruesit kuriozë, tha Facebook.
“Hulumtimi akademik për korrigjimin e keqinformimit ka treguar se vendosja e një imazhi të fortë, si një flamur i kuq, pranë një artikulli mund të nxisë besimet e thella – efektin e kundërt me atë që kemi menduar,” tha në një deklaratë menaxherja e produkteve Facebook Tessa Lyons.