Në ftesën e Facebook thuhet; “Një ekip i vogël është duke punuar në një ide të madhe. Bashkëngjituni me ne për kafe, dhe mësoni më shumë për produktin tonë të ri”.
Facebook së fundmi ka lëshuar funskionin e ri në faqe, të cilin e njohim si #hashtag, dhe për momentin ky tipar i ri është në fazën beta, dhe po testohet ende për të parë nëse po funksionon mirë për përdoruesit.
Mirëpo, sipas DigitalTrends thuhet se produkti i ri i Facebook nuk do të jetë i lidhur shumë më hashtag, pasi që pritet se si lansim i ri do të jetë Facebook RSS Reader, i cili është vërejtur se është i fshehur në API-në e Facebook.
Facebook nuk ka dashur të komentojë lidhur me RSS, edhe pse i njëjti pritet të lëshohet më 1 korrik, pikërisht në ditën kur Google po mendon ta shuajë shërbimin e saj, Google Reader. Mbyllja e këtij shërbimi nuk ka qenë dëshirë dhe kërkesë e përdoruesve të saj. / Telegrafi /