Raporti i gazetës thotë se rrjeti social është vetëm disa javë larg nga aprovimi i rregullatorit në Irlandë, i cili do t’ia lejojë rrjetit më të madh social në botë të ofrojë shërbimin i cili ua mundëson përdoruesve ruajtjen e parave në Facebook apo pagesën e përdoruesve të tjerë – që ndryshe njihet edhe si “e-money”.
Kjo do të thotë se Facebook do të mund të lëshojë njësi të vlerave të ruajtura monetare të cilat përfaqësojnë një zotim të një kompanie, dhe më pas e-money do të përdoret në Evropë përmes procesit të njohur si “passporting”.
Më tej thuhet se Facebook është në bisedime me tri kompani londineze për ofrimin e transfereve ndërkombëtare online përmes pajisjeve mobile. / Telegrafi /