Facebook dhe Instagram po heqin postimet nga përdoruesit që ofrojnë ndihmë për blerjen e pilulave të abortit, duke thënë se ato shkelin politikën rreth farmaceutikëve.
Pas vendimit të Gjykatës së Lartë në SHBA për të rrëzuar vendimin disavjeçar Roe kundër Wade, përdoruesit e medieve sociale kanë shpërndarë postime që ofrojnë shpërndarjen e pilulave me postë te njerëzit, të cilëve iu është hequr e drejta për abort ose t’ju hiqet së shpejti.
Por përdoruesve po iu hiqen ofertat nga feed-i ose po iu kufizohet shpejt, transmeton Telegrafi.
Një postim testues në Facebook nga një reporter i AP që ofronte dërgimin e pilulave me postë u hoq brenda një minute.
Shitja, dërgimi i dhuratave dhe transferimi i armëve të zjarrit si dhe marihuanës janë gjithashtu të ndaluara sipas të njëjtit seksion të politikës së kufizuar të mallrave të kompanisë Meta. Megjithatë, postimet testues nga AP që ofronin shpërndarjen e armëve dhe marihuanës nuk u hoqën; një test i ngjashëm nga The Verge që ofronte shpërndarjen e kanabisit me postë nuk u hoq menjëherë nga Facebook. /Telegrafi/