Kosova vazhdimisht po zë vend në hartën botërore për të mirë.
Në qytetin e bukur të Prizrenit po prodhohen pjesë estetike për veturat sportive të gjigantëve botërorë si Ferrari, Lamborghini e Range Rover.
Pjesë e këtyre produkteve është e Koshi Group, punë e së cilit është prezantuar në emisionin 7 Ditë me Panxhën.
Drejtori ekzekutiv i Koshi Group, Shkamb Koshi tregon se si kishte filluar punën, nga një ide e guximshme me 4 punëtorë e deri në ditët e sotme që ka arritur ta krijojë një fabrikë shumë të rëndësishme në tregun botëror, e cila tashmë numëron 100 punëtorë.
E ambicia e të parit të kësaj fabrike, ka bërë që për dy vite e gjysmë të merret më krijimin e barkës “Inersteller” për të cilën është përdorur një teknologji unike e fushës së marinës.
Për të riun e Gjakovës, të rritur në Itali e që u kthye në Prizren për të investuar të cilin e sheh si qytet shumë strategjik për punën e tij, përvoja e mëhershme, pasioni dhe mbështetja morale e familjes e kanë bërë që të fitojë besimin e kompanive më të mëdha botërore.
