Ministrat e Financave të Eurozonës ranë dakord të zgjasin dy muaj planin e ndihmës ndaj Greqisë. Lajmi u bë i ditur të hënën nga kreu i Eurogroupit Jeroen Dijsselbloem në takimin e ministrave të Financave.
Në takimin e zhvilluar po të hënën në Bruksel, Dijsselbloemi tha për mediet se për shkak të pezullimit të negociatave, është i pamundur për BE-në, Bankën Qendrore Europiane dhe FMN-në auditimi i pestë për Greqinë. Prandaj, tha ai, ndihma financiare do të zgjatet deri në fillimin e vitit tjetër.
Pas shqyrtimit, nëse Greqia plotëson kushtet, Fondi Europian i Stabilitetit Financiar (EFSF) do t’i ofrojë Greqisë një fond ndihme prej 1.8 miliardë eurosh.
Në emër të Eurogroupit, Dijsselbloemi i bëri thirrje gjithashtu autoriteteve greke të bashkëpunojnë më ngushtë me Trojkën (BE, Bankë Qendrore dhe FMN) për zhvillimin e reformave të mëtejshme. /Telegrafi/