Operacionet financiare hungareze në mediat e Sllovenisë dhe Maqedonisë janë në axhendën e deputetëve evropian, përcjell Telegrafi Maqedoni.
Të mërkurën e ardhshme në një seancë plenare, Parlamenti Evropian do të debatojë për “ndërhyrjen hungareze” në mediat në Slloveni dhe Maqedoni, informon AIM.
Informacioni u konfirmua nga eurodeputetja sllovene Irena Joveva në profilin e saj në “Twitter”.
“Sipas dokumenteve të publikuara në portale, vitet e fundit udhëheqja politike hungareze, përmes një prej bankave dhe ndihmësve të saj në Slloveni, ka zhvilluar një operacion të madh ndërkombëtar politik-mediatik në Maqedoninë e Veriut me qëllim që të rrëzohet qeveri e kaluar, si dhe marrëveshja për anëtarësim në NATO, në këtë operacion rol vendimtar kanë pasur edhe pronarët e mediave hungareze të afërta me partinë sllovene SDS, të financuara nga firmat e afërta me Viktor Orban”, sqaron Joveva.
Sipas informacioneve të publikuar, bëhet fjalë për katër milion euro të transferuara në Slloveni përmes këtyre kompanive, 1.5 milion prej tyre mbetën në Slloveni dhe 2.5 milion janë destinuara për Maqedoninë./Telegrafi/