Në takimin e parë të fazës “knock-out” në EuroBasket2017, Sllovenia pa probleme e ka kaluar Ukrainën, për ta arritur kështu fazën çerekfinale të garës.
Dominimi i Sllovenisë filloi nga çereku i parë, për të vazhduar më pas deri në fund të takimit dhe ndeshja u mbyll me rezultatin final 79-55.
Më i dalluari në këtë fitore të Sllovenisë ishte i natyralizuari Randolph me 21 pikë, ndërsa për shkak të epërsisë së lartë, ylli Goran Dragic pushoi në pjesën më të madhe të ndeshjes dhe takimin e mbylli me vetëm 5 pikë. Në anën tjetër, te Ukraina më i dalluari ishte Pustezvonov me 11 pikë.
Duhet përmendur që kjo është fitorja e gjashtë radhazi për Slloveninë në EuroBasket2017 nga 6 takimet e luajtura, ndërsa në sy bie fakti që kjo përfaqësuese pa humbje e mbylli edhe fazën kualifikuese drejt këtij evropiani. /borozani/