Takimi më i fortë në kampionatin evropian deri më tani në basketboll u zhvillua mes Lituanisë dhe Gjeorgjisë.
Kjo e fundit triumfoi në sekondat e fundit me një epërsi prej dy pikësh, 79-77, në saje të paraqitjes fantastike të basketbollistit Tornike Shengelias.
Çereku i parë përfundoi ashtu siç fillon ndeshja me rezultat të barabartë, përkatësisht 18:18.
Por, pjesa e parë i takoi skuadrës lituaneze me pesë pikë diferencë, 39:34.
Megjithatë dy periudhat e tjera i takuan skuadrës gjeorgjiane në saje të një lojë të bukur në fazën e sulmit.
Periudhën e tretë gjeorgjianët e fituan me rezultat 25:18, e cila gjë bëri që të përmbyset rezultati i pjesës së parë.
Në çerekun e fundit, herë njëra ekip e herë tjetra kalonte në epërsi ndërsa në sekondat e fundit u treguan më të kujdesshëm gjeorgjianët që triumfuan me rezultat 79-77.
Shengelia ishte basketbollisti më efikas te ekipi fitues me 29 pikë ndërsa te lituanezët u dallua me lojë të mirë Mindaugas Kuzminskas me 18 sosh. /Telegrafi/